Ռուս տուրիստները անցած տարի ամենաշատն են եղել Վրաստանում ադրբեջանցիներից հետո.Արայիկ Սարգսյան
16:10 - 24/Հունիսի/2019
Ռուս-վրացական թնջուկն իրականում սկսվեց 2008 թվականին, երբ Սահակաշվիլիի հրամանով Վրաստանը հարձակվեց ռուս խաղապահների վրա:
Այս մասին այսօր, AD TV «Հարցազրույց»-ի ժամանակ ասաց Աշխարհաքաղաքական Ակադեմիայի նախագահ, ակադեմիկոս, Արայիկ Սարգսյանը Ռուս տուրիստները անցած տարի ամենաշատն են եղել Վրաստանում ադրբեջանցիներից հետո.ը:
«2008-ից հետո Վրաստանում խաղացողներն ավելացան, մասնավորապես, պետք է նշել Թուրքիայի անունը: Վրաստանի արտաքին առևտրաշրջանառության առաջին տեղը զբաղեցնում է Թուրքիան: Երկրորդ տեղում Ռուսաստանն է: Ցանկացած աշխարհաքաղաքական, ռազմական կոնֆլիկտի հիմքում պետք է փնտրել տնտեսական, ֆինանսական շահ: 2008-ից հետո Ռուսաստանը կորցրեց Վրաստանում իր տնտեսական դիրքերը: Տնտեսապես նա պարզապես հեռացավ Վրաստանից, իսկ վակումը լցվեց Թուրքիայի կողմից: Ադրբեջանը, Թուրքիան լուրջ դերակատարում ունեն ներկայիս Վրաստանի տնտեսական, ֆինանսական հատվածում: Այնտեղ, որտեղ կա տնտեսական շահ, կա նաև քաղաքական գործակալների առկայություն»,-ասաց Սարգսյանը:
Արայիկ Սարգսյանը, անդրադառնալով Ռուսատանի և Վրաստանի միջև առկա զբոսաշրջության կապին, նշեց.
«Կարծիք կա, որ այս կոնֆլիկտի պատճառով տուրիզմը դարձել է աշխարհաքաղաքական գործոն, բայց դա այդպես չէ: Եթե նայենք թվերին, ապա ռուս տուրիստները անցած տարի և այս տարվա առաջին կիսամյակում ամենաշատն են եղել Վրաստանում ադրբեջանցիներից հետո: Եթե նայենք ելքի-մուտքի արձանագրումով, և փաստենք, որ ադրբեջանցիները Վրաստան գնում են առևտրային նպատակով, անգամ մեկ օրով, ապա ռուսները լինում են առաջին հորիզոնականում: Ամենամեղմ տվյալներով անցած տարվա ընթացքում ռուս տուրիստները Վրաստանի պետական բյուջեում թողել են շուրջ 1 միլիարդ դոլար»:
Մանրամասները՝ տեսանյութում
Свежие комментарии